النهارده دى تورتتنا


اولا الكيكة
انا بفضل استخدام دقيق الاسبونش الجاهز لانه اسهل بكتير
لكن النهارده هنعمل الكيكة الاسفنجية العادية
المقادير لصينية 26


المعيار مج الشاى العادى
2 دقيق نشيل منهم معلقتين ونستبدلهم بنشا منخولين مع معلقة كبيرة بكنج بودر
1 ونص سكر ناعم
نص مية
8 بيض
معلقة كبيرة محسن كيك جل
معلقة صغيرة فانيليا
ربع م صغيرة ملح
معلقة كبيرة خل
**المكونات بدرجة حرارة الغرفه **ضرورى

الطريقة
اول حاجة نسخن الفرن على اعلى درجة
نبطن الصينية


نفصل الصفار عن البياض


*لازم طبق البياض يكون ناشف تماما ونضيف *
المضرب كذلك

نبتدى بالبياض نضيف علية الملح والخل ونضربه


اول ما يكون زى الرغاوى نضيف عليه نص كمية السكر معلقة معلقة مع الخفق بالمضرب


هيعلى ويتماسك خالص


نضعه على جنب
ونذهب للصفار
نحط علية السكر والمحسن ونضربه فورا بالمضرب عادى مكان البياض مفيش مشكلة لكن العكس لا
نضرب الصفار لحد اما يبقى فاتح ومنفوش


نبتدى نضيف الدقيق على الصفار على مرتين بالتبادل مع المية نبتدى بالدقيق وننتهى بية


خلصنا كل الدقيق على الصفار نبتدى نضيف البياض بالمعلقة شوية شوية ونقلب من فوق لتحت براحة خالص

هنضيف البياض على 3 مرات

بعد ما نخلص كل الكمية ونتاكد انها امتزجت كويس جدا

نحطها فى الصينية وندخلها الفرن على 180 اخدت معايا بالضبط 45 دقيقة


نطلعها ونسيبها ربع ساعة بعد كده نقلبها على منخل ونقسمها 3 اقسام

ويتبع التزيين